Qazaqstannyń birqatar oblystarynda eskertý jarııalandy
ASTANA. QazAqparat - «Qazgıdromet» RMK Qazaqstanyń birqatar oblystarynda aýa raıyna baılanysty eskertý jarııalady, dep habarlaıdy QazAqparat.
5-6 naýryzda Atyraý, Batys Qazaqstan, Qaraǵandy, Aqmola, Soltústik Qazaqstan oblystary boıynsha kúndizgi aýa temperatýrasynyń 0+7 C-qa qysqa merzimdi joǵarylaýy, jaýyn-shashyn (qar, jańbyr) mólsheri mol túsedi.
6-7 naýryzda Soltústik Qazaqstan oblysynda jaýyn-shashyn (qar, jańbyr), kúndiz 6 naýryzda keı jerlerde qatty jaýyn-shashyn kútiledi. Keı jerlerde kóktaıǵaq, burqasyn, tuman bolady. Ońtústik-batystan soqqan jel soltústik-batysqa aýysady, 15-20 m/s jyldamdyqpen jel soǵady. Aýa temperatýrasy kúndiz 6 naýryzda 0+5 gradýsqa deıin joǵarlaıdy.
5 naýryzda táýlik boıy Qostanaı oblysynyń keı jerlerinde jaıaý burqasyn, jel 15-20 m/s kútiledi.
5-7 naýryzda Almaty, Jambyl, Ońtústik Qazaqstan, Qyzylorda oblystary boıynsha jaýyn-jashyn mólsherden tys túsedi. Osyǵan baılanysty, sý deńgeıleri kóterilip jaıylmaǵa shyǵýy múmkin.
