Qazaqstannyń birqatar oblystarynda aýanyń temperatýrasy 8 gradýsqa deıin sýytady
ASTANA. QazAqparat - Qazaqstannyń birqatar oblystarynda 4-6 qazan aralyǵynda aýanyń temperatýrasy 8 gradýsqa deıin sýytady, dep habarlady «Qazgıdromet» RMK.
«Batys Sibirdegi tsıklonmen baılanysty sýyq atmosferalyq aǵyndardyń áserinen Qazaqstannyń kóptegen oblystarynda jańbyr jaýyp, keıde onyń sońy jabysqaq qarǵa aınalady. Al soltústikten soqqan jel ortalyq, soltústik jáne shyǵys oblystarda túnde aýa temperatýrasynyń 8 gradýsqa deıin sýytýyna ákep soǵady», - delingen habarlamada.
Ońtústiktegi jáne ońtústik-shyǵystaǵy keıbir aýdandarda aýa tempertatýrasy tómendep, qatqaq bolady, taýly jerlerde jańbyrdyń sońy qarǵa aınalady.
