Qazaqstannyń birqatar oblystarynda aýa raıyna baılanysty eskertý jarııalandy
ASTANA. QazAqparat - Qazaqstannyń birneshe oblysynda aýa raıyna baılanysty eskertý jarııalandy, dep habarlaıdy QazAqparat tilshisi.
Qazgıdromettiń habarlaýynsha, Mańǵystaý oblysynda 1-3 shilde aralyǵynda kún 43-46 gradýsqa deıin, Batys Qazaqstan oblysynda 40-43 gradýsqa deıin ysıdy.
1-3 shildede Atyraý oblysynyń basym bóliginde, al 4 shildede keı aýmaqtarynda 40-43 gradýsqa deıingi ystyq kútiledi.
Aqtóbe oblysynda 1-4 shildede 40-42 gradýsqa deıin ystyq bolady dep boljanýda. Daýyl turý yqtımaldyǵy - 90-95%.
Aqmola oblysynda 30 maýsym men 2 shilde aralyǵynda soltústik-batystan ońtústikke oıysqan jeldiń jyldamdyǵy sekýndyna 15-20 metr aınalasynda bolady. Sondaı-aq, naızaǵaı oınap, burshaq jaýýy yqtımal. Túnde jáne kúndiz tuman túsedi.
Astanada 30 maýsym - 2 shilde aralyǵynda naızaǵaı jarqyldap, kúndiz burshaq jaýýy múmkin. Soltústik-batystan ońtústikke oıysqan jeldiń ekpini sekýndyna 15-20 metrge jetedi. Daýyl turý yqtımaldyǵy - 80-85%.
Qostanaı oblysynda 30 maýsym kúni keı jerlerde naızaǵaı oınap, soltústikten jyldamdyǵy sekýndyna 15-20 metrge jetetin jel soǵady. Keı jerlerde túnde jáne kúndiz tuman túsedi. Daýyl turý yqtımaldyǵy - 90-95%.
Qaraǵandy oblysynda 30 maýsym kúni keı jerlerde aýa raıynyń temperatýrasy 40 gradýsqa deıin jetip, kún qatty ysıdy. Kenet jel kúsheıip, burshaq jaýýy múmkin. Daýyl turý yqtımaldyǵy - 95-100%.
