Qazaqstannyń birqatar oblystarynda aptap ystyq saqtalady
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen jańbyr jaýýy, soltústikte keı jerlerde nóser jańbyrly bolyp, naızaǵaı oınap, jel kúsheıýi, soltústikte kúndiz burshaq jaýýy múmkin.
Respýblıkanyń batysy men ońtústik óńirlerinde ǵana kún ashyq bolady, ońtústikte jáne ońtústik-shyǵysta kúshti ystyq bolady, dep habarlady Qazgıdromet.
Aqmola, Qostanaı, Soltústik Qazaqstan, Pavlodar, Qaraǵandy, kúndiz Shyǵys Qazaqstan oblystarynda keı jerlerde jeldiń kúshi 15-20 m/s-qa deıin kúsheıedi, Soltústik Qazaqstan, kúndiz Aqmola oblystarynda burshaq jaýýy múmkin.
Kúndiz Almaty oblysynda aptap ystyq bolady, keı jerlerde ystyq kúsheıe túsedi. Kúndiz Jambyl oblysynda, Ońtústik Qazaqstan, Qaraǵandy oblystarynyń keı jerlerinde kúshti ystyq saqtalady.
