Qazaqstannyń birqatar oblystarynda aptap ystyq bolady
NUR-SULTAN. QazAqparat – 20 shilde kúni atmosferalyq frontaldyq bólikterdiń ótýine baılanysty Qazaqstannyń soltústik, shyǵys jáne batys aımaqtarynyń keı jerlerinde naızaǵaı oınap, jańbyr jaýady, dep habarlaıdy Qazgıdromet.
Qalǵan aımaqtarda jaýyn-shashynsyz aýa raıy saqtalady. Respýblıkanyń keı jerlerinde jel kúsheıedi, soltústiginde jáne shyǵysynda burshaq jaýýy múmkin, soltústikte túnde jáne tańerteń keı jerlerde tuman kútiledi.
Atyraý, Pavlodar, kúndiz Aqmola, Túrkistan, Qyzylorda, Mańǵystaý, Batys Qazaqstan, Aqtóbe, Qostanaı, Shyǵys Qazaqstan, Qaraǵandy oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, Aqmola jáne Shyǵys Qazaqstan oblystarynyń keı jerlerinde kúndiz burshaq jaýýy múmkin.
Soltústik Qazaqstan oblysynyń keı jerlerinde kúndiz burshaq jaýýy múmkin, túnde jáne tańerteń tuman kútiledi. Kúndiz Almaty, Qyzylorda, Aqtóbe oblystarynda qatty ystyq túsedi; Túrkistan, Jambyl, Atyraý, Mańǵystaý, Qostanaı oblystarynda, Batys Qazaqstan, Qaraǵandy oblystarynyń keı jerlerinde qatty ystyq kútiledi.
Qyzylorda, Túrkistan oblystarynda, Almaty, Jambyl, Aqtóbe, Qaraǵandy, Shyǵys Qazaqstan, Atyraý oblystarynyń keı jerlerinde óte joǵary órt qaýpi saqtalady.
