Qazaqstannyń birqatar aımaqtarynda jeldiń kúsheıýi kútiledi, bes oblysta qatty ystyq bolady
ASTANA. 2 shilde. QazAqparat - QR Qorshaǵan ortany qorǵaý mınıstrliginiń «Qazgıdromet» RMK-nyń málimetterinshe, 4 shildege deıin kúndiz Aqtóbe oblysynda qatty ystyq bolady, keıbir jerlerde aýanyń temperatýrasy 41 gradýs ystyqty kórsetedi.
Erteń Qazaqstannyń kóp bóligi burynǵydaı atmosferalyq bólikterdiń yqpalynda bolyp, keıbir jerlerde jańbyr jaýyp, naızaǵaı jarqyldaıdy, jel kúsheıip, keıbir jerlerde burshaq túsýi yqtımal.
Aqmola, Almaty, Mańǵystaý, Atyraý, Pavlodar oblystarynda, kúndiz Ońtústik Qazaqstan, Qaraǵandy oblystarynda, túnde Batys Qazaqstan oblysynda keıbir jerlerde 15-20 m/s jyldamdyqpen soǵatyn jel kútilýde.
Soltústik Qazaqstan oblysynda túnde jáne tańerteń keıbir jerlerde tuman túsedi. Shyǵys Qazaqstan oblysynda keıbir jerlerde burshaq jaýyp, jeldiń 15-20 m/s jyldamdyqpen soǵýy kútilýde.
Atyraý, Aqtóbe, Qyzylorda, Ońtústik Qazaqstan, Almaty, Jambyl oblystarynda keıbir jerlerde tótenshe joǵary órt qaýiptiligi saqtalýda.
Qyzylorda oblysynda, Ońtústik Qazaqstan, Batys Qazaqstan, Qostanaı oblystarynyń keıbir jerlerinde kún qatty ysıdy, Aqtóbe oblysynyń keıbir jerlerinde óte qatty ystyq bolady.
Jaqyn táýlikterde Batys Altaı ózenderinde kútilip otyrǵan jańbyrlarǵa baılanysty sý deńgeıiniń kóterilýi múmkin. Respýblıkanyń ońtústik jáne ońtústik-shyǵysynda sý deńgeıleriniń aýytqýlary baıqalady.
