Qazaqstannyń birqatar aımaqtarynda jańbyr jaýyp, kún kúrkireıdi, jel kúsheıedi, burshaq jaýýy múmkin - 17 shildedegi aýa raıy boljamy
ASTANA. QazAqparat - Qazaqstan aýmaǵynyń basym bóligi antıtsıklon silemderiniń yqpalymen kún ashyq bolady, keı jerlerde tuman túsedi. Soltústikte, soltústik-batysta, shyǵysta jáne ortalyqta atmosferalyq aǵyndardyń ótýimen aýa raıynyń turaqsyz sıpaty kútiledi, keı jerlerde jańbyr jaýyp, kún kúrkireıdi, jel kúsheıedi, shyǵysta burshaq jaýýy múmkin, dep habarlady QR TJM baspasóz qyzmeti Qazgıdrometke silteme jasap.
Aqmola, Soltústik Qazaqstan oblystarynda keı jerlerde tuman túsedi, jeldiń kúshi 15-20 m/s-qa jetedi. Pavlodar, kúndiz Jambyl, Ońtústik Qazaqstan, Mańǵystaý, Qostanaı, Qaraǵandy oblystarynda keı jerlerde jel 15-20 m/s-qa deıin kúsheıedi. Shyǵys Qazaqstan oblysynda keı jerlerde jel kúsheıip, 15-20 m/s-qa jetedi, burshaq túsýi múmkin. Kúndiz Atyraý, Batys Qazaqstan, keı jerlerde Mańǵystaý, Aqtóbe oblystarynda aptap ystyq bolady. Respýblıkanyń ońtústiginde, ońtústik-shyǵysynda, batysynyń keı jerlerinde, soltústik-batysynda jáne ortalyǵynda óte joǵary órt qaýpi saqtalady.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sý betiniń qubylýy baıqalady. Іle ózeninde Qapshaǵaı sý qoımasyna aǵyn kólemi tómendeıdi.
