Qazaqstannyń birqatar aımaqtarynda senbi kúni jel kúsheıedi
ASTANA. QazAqparat - Senbi kúni Qazaqstanyń basym bóligindegi aýa raıyn antıtsıklon aıqyndaıtyn bolady. Negizinen eldiń basym bóliginde qar jaýmaıdy, batys, soltústik-batys jáne eldiń soltústigine qar túsýi múmkin. Respýblıka boıynsha birqatar aımaqtarda tuman túsip, batys pen otústik-batysta jel kúsheıip, keı jerlerde borandatady, dep habarlaıdy «Qazgıdromet» RMK.
Almaty oblysynyń keıbir aımaqtaryna tuman túsip, Jalańashkól aýdany aımaǵynda jeldiń kúshi sekýndyna 20-25 metrge deıin jetedi.
Aqtóbe, Atyraý oblystarynyń birqatar aýmaǵynda sekýndyna 15-20 metr jyldamdyqpen jel soǵady, Aqtóbe oblysynda tuman túsedi.
Qyzylorda, Mańǵystaý oblystarynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi.
Ońtústik Qazaqstan oblysynda kúndiz jeldiń jyldamdyǵy 15-20 metrge jetedi.
Aqmola, Jambyl, Batys Qazaqstan, Qostanaı, Soltústik Qazaqstan, Pavlodar, Qaraǵandy túnde jáne tań ata Shyǵys Qazaqstan oblystarynda tuman túsedi.
