Qazaqstannyń birqatar aımaqtarynda boran soǵady dep kútilýde, kóktaıǵaq bolady - Qazgıdromet
ASTANA. 4 jeltoqsan. QazAqparat - "Qazgıdromet" RMK málimetteri boıynsha, Qazaqstan respýblıkasynyń basym bóliginde atmosferalyq aǵyndardyń ótýine baılanysty aýa raıynyń turaqsyzdyǵy saqtalady.
Jaýyn-shashyn bolady dep kútilýde, taýdyń ońtústigi men ońtústik-shyǵysynda qatty jaýyn-shashyn bolady, keı jerlerde kóktaıǵaq bolady, tuman túsedi, jel kúsheıedi, respýblıkanyń soltústik-batysy bóliginde boran soǵady.
Aqmola, Pavlodar oblystarynda jel ekpini 15-20 m/s bolýy múmkin, keı jerlerde boran soǵady, Pavlodar oblysynda keı jerlerde kóktaıǵaq bolady. Aqtóbe, Qostanaı, Soltústik Qazaqstan oblystarynda keı jerlerde azdap boran soǵyp, jeldiń ekpini 15-20 m/s-ke jetedi, Qostanaı, Soltústik Qazaqstan oblystarynda keı jerlerde kóktaıǵaq bolady.
Shyǵys Qazaqstan, kúndiz Batys Qazaqstan oblystarynda keı jerlerde 15-22 m/s jel soǵady, Shyǵys Qazaqstan oblysynda keı jerlerde kóktaıǵaq bolady. Qaraǵandy oblysynda keı jerlerde boran soǵady dep kútilýde, tuman túsedi, kóktaıǵaq bolady 17-22 m/s jel soǵady. Qyzylorda, Mańǵystaý, Atyraý oblystarynda keı jerlerde tuman túsedi, jel 15-20 m/s-ke kúsheıedi, Mańǵystaý, Atyraý oblystarynyń birqatar jerlerinde kóktaıǵaq bolady.
Ońtústik Qazaqstan oblysynda keıbir jerlerinde tuman túsedi, kóktaıǵaq bolady, jel 15-23 m/s-ke kúsheıedi. Jambyl oblysynda keı jerlerde tuman túsedi dep kútilýde, jel 18-23 m/s-ke kúsheıedi, jel ekpini 30 m/s-tan asady. Almaty oblysynda keı jerlerde tuman túsedi dep kútilýde, túnde Jalańashkól aýdanynda jel 18-23 m/s-ke kúsheıedi.
Jaqyn táýlikterde Qyzylorda oblysy aýmaǵynda Syrdarııa ózeninde ózen arnalaryn retteý esebinen sý deńgeıiniń turaqsyzdyǵy baıqalady. Qazaqstannyń batys, soltústik jáne shyǵys oblystarynyń ózenderinde muz qalyptasý úrdisi jalǵasady.
