Qazaqstannyń birqatar aımaǵynda eskertý jarııalandy - Qazgıdromet
ASTANA. QazAqparat - Qazaqstannyń birqatar oblysynda eskertý jarııalandy, dep habarlady «Qazgıdromet» RMK.
8 jeltoqsanda Astanada, sınoptıkterdiń boljamynsha, túnde aýa temperatýrasy -30 gradýsqa tómendedi. Ońtústik Qazaqstan, Jambyl, Almaty oblystarynda synap baǵanasy túnde - 20-25, keı jerlerde 30 aıazdy kórsetti. 8-9 jeltoqsanda Qaraǵandy, Shyǵys Qazaqstan oblystarynda aýa temperatýrasy tómendeıdi, keı jerlerde bul kórsetkish 30-35 gradýs aıazǵa jetpek.
Qazaqstannyń basym aýmaǵynda kún qubylmaly bolady. Qar jaýady, ásirese eldiń ońtústik-shyǵysynda, keı jerlerde tuman, kóktaıǵaq bolyp, jel kúsheıip, boran soǵýy múmkin. Qazaqstannyń ońtústigi men batysynda ǵana jaýyn-shashyn jaýmaıdy.
Aqmola, Shyǵys qazaqstan, kúndiz Pavlodar oblystarynda keı jerlerde jel 15-20 m/s deıin kúsheıip, boran soǵady dep kútilýde. Soltústik Qazaqstan, Qostanaı oblystarynda keı jerlerinde tuman bolyp, jeldiń jyldamdyǵy 15-20 m/s jetip, boran soǵýy yqtımal. Almaty, Jambyl oblystarynyń keı aýmaqtarynda tuman, kóktaıǵaq, túnde jel 18-23 m/s deıin kúsheıip boran bolady. Qyzylorda, Mańǵystaý, Atyraý, tańerteń jáne kúndiz ońtústik Qazaqstan oblystarynda jel jyldamdyǵy 15-20 m/s jetedi.
