Qazaqstannyń birqatar aýmaǵynda aýa raıyna baılanysty eskertý jarııalandy
NUR-SULTAN. QazAqparat – «Qazgıdromet» Qazaqstannyń úsh oblysynda aýa raıyna baılanysty eskertý jarııalady, dep habarlaıdy QazAqparat.
Kásiporyn taratqan málimetterge qaraǵanda, 3 aqpanda Qyzylorda oblysynyń keı jerlerinde tuman túsip, kóktaıǵaq bolady.
Batys Qazaqstan oblysynyń birqatar aýmaqtarynda tuman túsip, kóktaıǵaq, burqasyn bolady. Ońtústikten, ońtústik-batystan soqqan jeldiń kúshi sekýndyna 15-20 metrge jetedi. Oralda tuman túsip, kóktaıǵaq bolady. Ońtústikten, ońtústik-batystan soǵatyn jeldiń jyldamdyǵy 18 m/s.
Mańǵystaý oblysynyń birqatar aýmaqtarynda 3-shi aqpanda tuman túsedi. Túnde keı jerlerde kóktaıǵaq bolýy yqtımal. Ońtústik-shyǵystan, ońtústikten soǵatyn jeldiń jyldamdyǵy keı jerlerde sekýndyna 15-20 metrge jetedi.
