Qazaqstannyń birinshi raketkasy WTA reıtıngindegi jeke rekordyn jańartty
NUR-SULTAN. QazAqparat – Jalǵyz jáne juptyq razrıadtardaǵy Áıelder tennıs qaýymdastyǵy (WTA) reıtınginiń jańarǵan nusqasy shyqty, dep habarlaıdy QazAqparat Sports.kz saıtyna silteme jasap.
Úzdikter úshtigi burynǵy quramda qaldy: aýstralııalyq Eshlı Bartı kósh bastap tur, odan keıingi orynǵa belarýstyq Arına Sobolenko jaıǵasqan, al úshinshi orynda – cheh sportshysy Karolına Plınkova.
Qazaqstannyń birinshi raketkasy 17-shi orynnan 16-shy orynǵa kóterilip, jeke rekordyn jańartty. ıÝlııa Pýtıntseva bes saty joǵarylap, 49-shy orynǵa shyqty, al Zarına Dııas jeti saty tómendep, 112-shi orynǵa yǵysty.
Juptyq razrıadtyń kóshbasshysy – belgııalyq Elıze Mertens, odan keıingi oryndarda – Chehııa ókilderi Barbora Kreıchıkova men Katerına Sınıakova.
Anna Danılına 88-shi orynnan 86-shy orynǵa kóterildi, al Rybakına bir saty tómendep, 96-shy orynǵa tústi, al Dııas – 181-shi orynda.
