Qazaqstannyń birinshi raketkasy «Ýımbıldonda» tańdaýlylar qataryna kirdi
NUR-SULTAN. QazAqparat – «Ýımbıldon» uıymdastyrýshylary jerebe tastaý aldynda tańdaýlylar qataryndaǵy oıynshylardy tanystyrdy, dep habarlaıdy QazAqparat Sports.kz saıtyna silteme jasap.
Qazaqstandyq ókilder arasynan jeńimpazdar qataryna eldiń eń myqty tenısshisi Elena Rybakına ǵana kire aldy – ol áıelder jeke razrıadynda 19-shy nómirge ilindi.
Týrnırdiń negizgi jerebe tastaý rásimi búgin, 24 maýsymda ótedi.
Rybakınadan basqa «Ýımbıldonda» Qazaqstannyń atynan ıÝlııa Pýtıntseva men Zarına Dııas oınaıdy, erler tobynda Aleksandr Býblık pen Mıhaıl Kýkýshkın bar. Al biliktilikte Dmıtrıı Popko oıyn kórsetip úlgerdi, biraq ol jeńilis tapty.
