Qazaqstannyń birinshi raketkasy Australian Open-2013 týrnıriniń birinshi aınalymynan asa almady
ASTANA. 15 qańtar. QazAqparat - Qazaqstannyń úzdik tennısshisi ıAroslava Shvedova Melbýrn qalasynda ótip jatqan Avstrııa ashyq chempıonaty «Úlken shlem» týrnıriniń ekinshi aınalymyna óte almady.
Týrnırdiń birinshi aınalymdaǵy matchynda 25 jastaǵy jerlesimiz ıA. Shvedova kortta 18 jastaǵy Germanııa ókili Annıka Bekpen baq synasqan. WTA reıtınginde 28-shi orynda turǵan ıA. Shvedova 71-shi oryndaǵy Annıka Bekten aılasyn asyra almady.
Oıynnyń setin sátsiz bastaǵan jerlesimiz tek eki geımde ǵana utyp, partııany 2:6 esebimen aıaqtaǵan. Ekinshi set asa tartysty ótip, partııadaǵy jeńimpazdy anyqtaý úshin taı-breık berilip, onda Shvedova qarsylasyn 9:7 esebimen jeńgen edi. Al sheshýshi kezeńdi salmaqty bastaǵan Qazaqstannyń birinshi raketkasy bastapqyda aıqyn basymdylyq tanytqanymen, ony oıyn aıaǵyna deıin ustap tura almady. Esep 6:3 - nemis raketkasy Annıka Bektyń paıdasynda.
