Qazaqstannyń birinshi raketkasy álemdegi úzdik 50 tennısshiniń qatarynan shyǵyp qaldy
ASTANA. QazAqparat – Kásipqoı tennısshiler qaýymdastyǵy (ATP) «Rolan Garros» jarysynyń negizgi kezeńi bastalar aldynda sportshylardyń jekeleı jáne juptyq syndaǵy reıtıngin jarııalady, dep habarlaıdy QazAqparat Sports.kz portalyna silteme jasap.
Úzdik úshtik ózgergen joq: ıspanııalyq Karlos Alkaras kósh bastap tur, odan keıingi orynda reseılik Danııl Medvedev tursa, serb Novak Djokovıch úshtikti túıindedi.
Qazaqstannyń birinshi raketkasy Aleksandr Býblık úsh satyǵa tómendep, 51-shi bolyp qaldy. Tımofeı Skatov burynǵysha 147-shi qatarda tur.
Juptyq synda aldyńǵy oryndardy Nıderland ókili Ýeslı Kolhof pen brıtanııalyq Nıl Skýpskı bólisse, úshinshi oryndy AQSh ókili Radjıv Ram ıelendi.
Aleksandr Nedovesov úsh saty joǵarylap, 64-oryndy alsa, Andreı Golýbev bir saty tómendep, 82-shi bolyp qaldy. Býblık 158-shi qatardan 160-qa tústi.
