Qazaqstannyń birinshi ombýdsmeni Bolat Baıqadamov ómirden ozdy
ASTANA. QazAqparat - 10 qyrkúıekke qaraǵan túnde Qazaqstannyń birinshi ombýdsmeni Bolat Baıqadamov ómirden ozdy, dep habarlaıdy QazAqparat tilshisi.
«Túnde birinshi qazaqstandyq ombýdsmen, meniń alǵashqy bastyǵym, oqytýshy ári qarapaıym adam Bolat Kenjekeshuly ómirden ozdy», - dep jazdy Azaptaýlarǵa qarsy ulttyq preventıvti tetikter úlestirýshi keńesiniń hatshysy Sáýle Mektepbaeva Feısbýktegi paraqshasynda.
Bolat Kenjekeshuly Baıqadamov 1946 jyly 3 aqpanda Almaty oblysy Kerbýlaq aýdanynyń Qoǵaly aýylynda dúnıege kelgen.
1975 jyly S.Kırov atyndaǵy Qazaq memlekettik ýnıversıtetiniń fılosofııalyq-ekonomıkalyq fakýltetin bitirgen. Fılosof, fılosofııa pániniń oqytýshysy; 2006 jyly E.A. Bóketov atyndaǵy Qaraǵandy memlekettik ýnıversıtetiniń zań fakýltetin bitirgen, zańger. 50-den astam ǵylymı maqalalardyń, qoǵamdyq-saıası jáne quqyq qorǵaý taqyryptaryna arnalǵan 30-dan asa jarııalanymdardyń avtory.
QR Prezıdenti janyndaǵy Adam quqyqtary jónindegi komıssııa apparatynyń keńesshisi, QR Prezıdentiniń janyndaǵy Adam quqyqtary jónindegi komıssııa hatshylyǵynyń meńgerýshisi, QR Prezıdenti Ákimshiligi Qoǵamdyq-saıası bóliminiń sektor meńgerýshisi, Qoǵamdyq-saıası bólim meńgerýshisiniń otynbasary, QR Prezıdentiniń janyndaǵy Adam quqyqtary jónindegi komıssııa hatshylyǵynyń meńgerýshisi, QR Adam quqyqtary jónindegi ýákil, QR Prezıdenti Ákimshiligi Іshki saıasat bólimi sektorynyń meńgerýshisi, Qazaqstan Respýblıkasy Prezıdenti janyndaǵy Otbasy isi jáne genderlik saıasat jónindegi ulttyq komıssııasy hatshylyǵynyń meńgerýshisi, «Nur Otan» HDP Tóraǵasy birinshi orynbasarynyń keńesshisi qyzmetterin atqarǵan.
2009 jyldyń maýsym aıynan bastap «Nur Otan» partııasy parlamentarızm ınstıtýtynyń dırektory bolǵan.
«Qurmet» ordenimen, «Eren eńbegi úshin», «Astana» medaldarymen, «Qazaqstan Konstıtýtsııasyna 10 jyl», «Qazaqstan Respýblıkasynyń Parlamentine 10 jyl», «Astananyń 10 jyldyǵy» merekelik medaldarymen marapattalǵan.
Foto: www.facebook.com/bolat.baikadamov
