Qazaqstannyń birinshi hanymyna Orys pravoslavıe shirkeýiniń «Dańq jáne qurmet» ordeni tapsyryldy
ALMATY. 13 aqpan. QazAqparat /Elena Ilınskaıa/ - Qazaqstan Respýblıkasyndaǵy Mıtropolııa okrýginiń basshysy, Astana jáne Qazaqstan mıtropolıti Aleksandr ótken senbi kúni, 12 aqpanda óziniń mereıtoıyn atap ótken eldiń birinshi hanymy Sara Nazarbaevaǵa shirkeýdiń joǵary nagradasy - Orys pravoslavıe shirkeýiniń «Dańq jáne qurmet» ordenin tapsyrdy.
12 aqpanda Qazaqstan Respýblıkasyndaǵy Mıtropolııa okrýginiń basshysy «Bóbek» respýblıkalyq balalar qaıyrymdylyq qorynyń prezıdenti Sara Nazarbaevanyń mereıtoıyna arnalǵan saltanatqa qatysty.
«Dańq jáne qurmet» ordenimen shirkeýaralyq jáne dinaralyq yntymaqtastyqqa, halyqtar arasyndaǵy beıbitshilik pen dostyqty nyǵaıtý isine eleýli úles qosqan memleket jáne úkimet basshylary, halyqaralyq jáne úkimetaralyq uıymdardyń, shirkeýler men konfessııalardyń basshylary, kórnekti memleket jáne qoǵam qaıratkerleri marapattalady.
