Qazaqstannyń bilim salasy ınvestıtsııalyq tartymdylyǵyn joǵaltyp barady

NUR-SULTAN. QazAqparat – Qazaqstannyń bilim salasy ınvestıtsııalyq tartymdylyǵyn joǵaltyp barady. 5 jyldyń ishinde ınvestıtsııalyq qorjyndaǵy sala úlesi 3-ten 2,5 paıyzǵa deıin qysqardy, dep habarlaıdy QazAqparat tilshisi energyprom.kz portalyna silteme jasap.

Jeke ınvestıtsııalarǵa qatysty ahýal da alańdatarlyq. Bıznes qorjynyndaǵy búkil bilim berý úlesi 2016 jyldan 2020 jylǵa deıingi aralyqta 2-den 0,6 paıyzǵa deıin quldyrady. Bilim berýdy damytýdyń barlyq derlik qarjylyq júktemesi bıýdjetke túsip otyr. 2020 jyly bilim berý salasyndaǵy barlyq ınvestıtsııanyń 81,1 paıyzy memleketke tıesili boldy. Al 2016 jyly memlekettik sektor úlesi ne bári 57,6 paıyzdy quraǵan edi.

2016-2019 jyldary bilim berýge arnalǵan elimizdiń memlekettik bıýdjet shyǵystary respýblıka jalpy ishki óniminiń 3,2-3,6 paıyzy aralyǵyn qurady. Investıtsııanyń JІÓ-ge paıyzdyq qatynasynyń mundaı deńgeıi óte tómen salady jáne álemniń kóptegen elderinen artta qalyp otyrmyz. ıÝNESKO JІÓ-niń 5-7 paıyzyn bilim salasyna jumsaýǵa keńes beredi.

Bilim berý salasynyń jetkiliksiz damýy 2020 jyly Qazaqstannyń adamı kapıtal ındeksiniń tómendeýine sebep boldy. Qazaqstan 51-orynǵa syrǵydy. Bir jyl buryn 50-orynda turǵan edi. Adamı kapıtaldy damytýdyń mańyzdy krıterııi – joǵary bilim deńgeıi. 2020 jyldyń 4-toqsanynda Qazaqstandaǵy joǵary bilim bar jumyspen qamtylǵan turǵyndardyń úlesi 42,6 paıyzdy qurady. Al damýshy elder bul kórsetkishter boıynsha keminde 50 paıyzǵa qol jetkizýdi maqsat tutyp otyr.

Qazirgi ýaqytta QS WUR atalyp ótilgen qazaqstandyq joǵary oqý oryndarynyń sany 13-ke jetip otyr. Olardyń ishinde tek úsh ýnıversıtet qana, atap aıtqanda Ál-Farabı atyndaǵy Qazaq ulttyq ýnıversıteti, L.Gýmılev atyndaǵy Eýrazııa ulttyq ýnıversıteti jáne M.Áýezov atyndaǵy Ońtústik Qazaqstan memlekettik ýnıversıteti TOP-500-ge kiredi