Qazaqstannyń bıatlonıster odaǵynyń jańa basshylary saılandy
ASTANA. QazAqparat - Búgin Astanada Qazaqstan bıatlonıster odaǵynyń kezekten tys jalpy jıyny ótti. Jıynnyń kún tártibine qoıylǵan basty másele - jańa prezıdentti saılaý bolatyn. Bıatlonıster odaǵynyń prezıdenti laýazymyna, «Atameken» UKP prezıdıýmynyń Logıstıka jáne tasymal komıtetiniń tóraǵasy Ermek Qızatov saılandy.
Jıynda jańa jetekshiler quramy da bekitildi. «Qysqy sport maýsymy bastaldy. ıAǵnı, bizde jumys kóp, al, ýaqyt az. Men birinshi kezekte osy ýaqytqa deıin atqarǵan jumystary úshin Bıatlonıster odaǵynyń osyǵan deıingi basshylyǵyna alǵysymdy bildirgim keledi. Biz Qazaqstanǵa atalǵan sport túrin damytý maqsatynda aldymyzǵa aýqymdy mindetter qoıamyz. Ol úshin bizge qajetti jaǵdaılardyń barlyǵy bar»,-dedi Qızatov jalpy jıyn barysynda.
Bıatlonıster odaǵynyń jıynynda sonymen qatar, QR Mádenıet jáne sport mınıstrliginiń Sport jáne dene shynyqtyrý isteri jónindegi komıtet tóraǵasy Elsııar Qanaǵatov pen QR Olımpıadalyq komıtetiniń atqarýshy dırektory Serik Qasqabasov qatysty.
