Qazaqstannyń bes óńirinde tuman túsip, kóktaıǵaq bolady
ASTANA. QazAqparat - Túrkistan jáne Aqmola oblystarynda daýyl turyp, tuman túsedi, kóktaıǵaq bolady, dep habarlaıdy QazAqparat Qazgıdrometke silteme jasap.
20 qańtarda kúndiz Túrkistan oblysynyń taýlarynda jaýyn-shashyn mol bolady. Keı jerlerge tuman túsip, kóktaıǵaq bolady, jel ońtústik-batystan sekýndyna 15-20 metr jyldamdyqpen soǵady, ekpini 25 m/s-qa deıin jetýi múmkin.
Shymkentte 20 qańtar kúni ońtústik-batystan soqqan jeldiń jyldamdyǵy sekýndyna 15-20 metr aınalasynda bolady. Túrkistan qalasynda da 20 qańtar kúni ońtústik-batystan soqqan jeldiń jyldamdyǵy 15-20 m/s aınalasynda bolady. Daýyl soǵý qaýpi - 90-95%.
20 qańtar kúni Aqmola oblysynyń keı jerlerine tuman túsip, kóktaıǵaq bolady, jaıaý burqasyn soǵady. Jel ońtústikten, ońtústik-batystan 15-20 m/s jyldamdyqpen soǵady.
Astanada 20 qańtar kúni kóktaıǵaq bolyp, tuman túsedi. Daýyl soǵý qaýpi - 90-95%.
20 qańtarda Mańǵystaý oblysynyń keı jerlerinde tuman túsip, kóktaıǵaq kútiledi.
