Qazaqstannyń bes óńirinde aýa raıyna baılanysty eskertý jarııalandy

NUR-SULTAN. QazAqparat - Almaty men Qazaqstannyń tórt oblysynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.

31 mamyr-2 maýsym aralyǵynda Almaty oblysynyń taý jáne taý etegindegi aýdandary men Almaty qalasy mańyndaǵy taýly aýdandarynda jaýyn-shashynǵa baılanysty ózenderde sý deńgeıiniń kóterilýi yqtımal.

31 mamyrda Almaty oblysynyń taýly, taý bókterindegi aýdandarynda nóser jaýyn jaýyp, naızaǵaı oınaıdy, daýyl soǵady. Kúndiz keı jerlerde burshaq, daýyl bolady. Soltústik-batystan jel soǵady, oblystyń ońtústiginde jáne taýly aýdandarynda 17-22 m/s, oblystyń shyǵysynda ekpini 24-29 m/s.

Taldyqorǵan qalasynda 31 mamyrda naızaǵaı oınaıdy. Soltústik-batystan jel soǵady, naızaǵaı kezinde ekpini 15-20 m/s jetedi.

31 mamyrda Qaraǵandy oblysynyń soltústiginde, shyǵysynda naızaǵaı, burshaq, daýyl kútiledi. Ońtústik-batystan, batystan jel soǵady, túnde oblystyń batysynda ekpini 15-20 m/s, kúndiz oblystyń basym bóliginde kúshi 15-20 m/s, ekpini 25 m/s jetedi.

Qaraǵandy qalasynda kúndiz naızaǵaı oınaıdy. Ońtústik-batystan, batystan jel soǵady, kúndiz ekpini 15-20 m/s jetýi múmkin. Jezqazǵan qalasynda 31 mamyrda batystan jel soǵady, kúndiz ekpini 15-20 m/s bolady.

31 mamyrda kúndiz Qyzylorda oblysynyń ortalyǵynda shańdy daýyl bolady. Jel soltústikten soǵady, kúndiz oblystyń ortalyǵynda kúshi 15-20 m/s jetedi. Oblys ortalyǵynda tótenshe órt qaýpi saqtalady.

31 mamyrda Soltústik Qazaqstan oblysynyń soltústiginde, shyǵysynda qatty jańbyr jaýady. Oblystyń soltústiginde, shyǵysynda naızaǵaı, burshaq, daýyl kútiledi. Soltústik-batystan, batystan jel soǵady, túnde oblystyń soltústiginde, batysynda ekpini 15-20 m/s, kúndiz basym bóliginde kúshi 15-20 m/s, ekpini 25 m/s bolady. Petropavl qalasynda 31 mamyrda naızaǵaı, burshaq, daýyl bolady. Soltústik-batystan, batystan jel soǵady, kúshi 15-20 m/s, kúndiz ekpini 23 m/s-ke jetýi múmkin.