Qazaqstannyń bes óńiri órtpen arpalysýda
ASTANA. QazAqparat - Qazirgi ýaqytta bes óńirde (Aqtóbe, Atyraý, Qaraǵandy, Batys Qazaqstan, Ońtústik Qazaqstan) QR ІІM TJK bólimshesi, Azmattyq qorǵanys qyzmeti, jergilikti atqarýshy organdar, orman sharýashylyǵy, erikti órt sóndirý quramalary órtti aýyzdyqtaý jumystarymen aınalysýda.
TJK baspasóz qyzmeti habarlaǵandaı, qazirgi sátte Aqtóbe oblysynyń Áıteke bı, Mártók, Qarǵaly aýdandary, ShQO-nyń Aıagóz aýdany, Batys Qazaqstan oblysynyń Aqjaıyq, Qaztalov, Bókeı orda, Janǵaly aýdandarynda, OQO-nyń Tóle bı aýdanynda 1883 gektar alańda dala shóbi órtenip, ony sóndirý jumystary júrip jatyr. Jalyndy sóndirýge 470 adamnan, 70 tehnıkadan turatyn TJD kúshteri men quraldary, jergilikti atqarýshy organdar, orman sharýashylyǵy, órt sóndirý quramalary tartyldy.
Aqtóbe oblysynda Baıǵanın, Qobda aýdandarynda órtti aýyzdyqtaý jalǵasýda. Kúshter men quraldar sany - 134 adam, 15 tehnıka jumyldyrylǵan.
Atyraý oblysy Isataı aýdanynda erikti órt sóndirý quramalarynyń kúshter men quraldar sany - 10 adam, 2 tehnıka. Otqa oranǵan alqap - 5 ga.
Bazarsholan aýyldyq okrýginiń 9 ýchaskesinde 62 adam jáne 6 tehnıkamen TJD, eriktiler, orman sharýashylyǵy qyzmetkerleri órtpen arpalysýda.
Bórli aýdanyndaǵy 2 ýchaskede órtti joıýǵa «Órt sóndirýshi» AQ, erikti órt sóndirý quramalarynan 9 adam, 4 birlik tehnıka jumyldyryldy.
Qaraǵandy oblysy Aqtoǵaı aýdanynda TJD kúshterinen 4 adam jáne 1 tehnıka tartyldy.
Ulytaý aýdanynda órtti aýyzdyqtaýǵa TJD kúshterinen, erikti órt sóndirý quramalarynan: 24 adam 5 birlik tehnıka tartyldy.
Qarsaqbaı aýylynda TJD kúshterinen, erikti órt sóndirý quramalarynan: 20 adam, 2 tehnıka jumys isteýde.
OQO-nyń Tóle bı aýdanynda Qyzyltaý shatqalynda órtti sóndirý jalǵasýda. Oǵan TJD, orman sharýashylyǵy, jergilikti atqarýshy organdardan 51 adam, 7 tehnıka jumyldyryldy. Jalyn sharpyǵan alań - 16 ga.
