Qazaqstannyń bes oblysynda kún raıyna qatysty eskertý jasaldy
NUR-SULTAN. QazAqparat – 18 aqpan kúni Qazaqstannyń bes oblysynda kún raıyna baılanysty eskertý jasaldy, dep habarlaıdy QazAqparat «Qazgıdromet» RMK baspasóz qyzmetine silteme jasap.
18 aqpan túninde Soltústik Qazaqstan oblysynyń shyǵysynda jaıaý burqasyn kútiledi. Oblystyń ońtústik-batysynda tuman túsedi. Túnde ońtústik-batystan soǵatyn jel ekpini oblystyń ońtústiginde, shyǵysynda, kúndiz basym bóliginde 15-20 m/s deıin jetedi.
Petropavlda 18 aqpanda kúndiz ońtústik-batystan soǵatyn jeldiń ekpininiń 15-20 m/s jetýi yqtımal.
Batys Qazaqstan oblysynyń soltústik-shyǵysynda, shyǵysynda tuman kútiledi. Ońtústik-shyǵystan jel soǵady, kúndiz oblystyń ońtústiginde jeldiń ekpini 15-20 m/s deıin jetedi.
Oralda túnde jáne tańerteń tuman túsedi.
Túrkistan oblysynyń ońtústiginde tuman bolady. Shyǵys, ońtústik-shyǵystan taýly aımaqtarda jel 15-20 m/s deıin jetedi.
18 aqpanda kúndiz Mańǵystaý oblysynyń batysynda kóktaıǵaq kútiledi.
Aqtaýda kúndiz kóktaıǵaq kútiledi.
Soltústik-batysynda, Aqtóbe oblysynyń ortalyǵynda tuman kútiledi. Ońtústik, ońtústik-shyǵystan jel soǵady, kúndiz oblys ortalyǵynda jel ekpini 15 m/s deıin jetedi.
Aqtóbede túnde jáne tańerteń tuman túsedi.
Eske salaıyq, sınoptıkter boljamy boıynsha 18 aqpanda Qazaqstannyń basym bóligi antıtsıklonnyń yqpalynda bolyp, jaýyn-shashynsyz kún raıy kútilýde. Respýblıkanyń tek ońtústik-batysynda jáne soltústiginde atmosferalyq aǵyndardyń jyljýynan qar jaýyp, jaıaý burqasyn bolady, ońtústik-batysta jańbyr men qar jaýyp, kóktaıǵaq bolýy yqtımal.
