Qazaqstannyń bes oblysynda aýa raıynda baılanysty eskertý jarııalandy
NUR-SULTAN. QazAqparat – Aýa raıynyń qolaısyzdyǵyna baılanysty Qazaqstannyń bes oblysynda eskertý jarııalandy, dep habarlaıdy QazAqparat «Qazgıdromet» RMK silteme jasap.
23 jeltoqsanda Túrkistan oblysynyń keı jerlerinde tuman men kóktaıǵaq paıda bolady, burqasyn soǵyp, soltústik-shyǵystan 15-20 m/s jel turady. Daýyldyń bolýy 90-95% yqtımal.
Sondaı-aq, 23 jeltoqsanda Shyǵys Qazaqstan oblysynda qar jaýady. Keı jerlerde - boran, tuman, kóktaıǵaq bolady. Ońtústik-batystan 15-20 m/s jel soǵady.
Aqmola oblysynyń keı jerlerinde 23 jeltoqsanda qar jaýyp, tuman túsedi. Soltústik-batystan soǵatyn jeldiń kúshi shamamen 15-20 m/s bolady.
Kókshetaýda 23 jeltoqsanda tuman men boran kútiledi. Daýyl bolý yqtımaldyǵy 85-90% quraıdy.
23-25 jeltoqsanda Qyzylorda oblysynyń keı jerlerinde tuman túsedi. Daýyldyń bolýy 90-95% yqtımal.
23 jeltoqsanda Soltústik Qazaqstan oblysynyń keı jerlerinde qar jaýady. Kúndizgi jel batystan, ońtústik-batystan 15-20 m/s shamasynda soǵýy múmkin. Daýyldyń bolýy 90-95% yqtımal.
