Qazaqstannyń beldi opera ánshileri Jeńis kúnine arnalǵan kontsertke qatysady
«Jeńis ánderi, kóktem áýenderi» atty kontsert baǵdarlamasyna teatrdyń jetekshi opera solısteri qatysady. Mýzyka kórermendi soǵysqa deıingi ýaqytqa, soǵys jyldaryna jeteleıtin bolady, dep habarlaıdy QazAqparat.
Osy keshte dırıjerlik tuǵyrǵa Qazaqstannyń eńbek sińirgen qaıratkeri maestro Abzal Muhıtdınov shyǵady. «Astana Opera» teatrynyń bas hormeısteri - Qazaqstannyń eńbek sińirgen qaıratkeri - Erjan Dáýitov, kontserttiń rejısseri Erenbaq Toıkenov.
Baǵdarlamada soǵys jyldarynyń tanymal ánderi, sonymen qatar qazaq, orys jáne batys eýropa klassıkasynyń eń úzdik týyndylary opera solısteriniń, hor jáne orkestr ártisteriniń oryndaýynda shyrqalady.
Qazaqstannyń eńbek sińirgen qaıratkerleri Maıra Muhamedqyzy jáne Dına Hamzına kórermenge «Astana Opera» teatrynda oryndalmaǵan jańa nómirlerdi daıyndaýda. Qazaqstannyń eńbek sińirgen qaıratkerleri Talǵat Musabaev, Janat Shybyqpaev, Aıgúl Nııazova jáne basqa solıster kópshiliktiń súıikti merekelik shyǵarmalaryn, sondaı-aq qazaq halyq ánderin oryndaıdy.
Soǵys jyldaryndaǵy kınofılmderden alynǵan kadrlar shyrqalatyn ánderdiń mánin ashýǵa múmkindik beredi, jáne olardy orkestrlik hám hor nómirleri aıshyqtaı túsedi.
