Qazaqstannyń Belgııadaǵy Elshiliginiń komandasy shaǵyn fýtboldan jeńiske jetti
BRıÝSSELЬ. QazAqparat - Brıýssel qalasynda Belgııadaǵy dıplomatııalyq ókildikter komandalary arasynda shaǵyn fýtboldan áýesqoı týrnır ótti, dep habarlaıdy «QazAqparat» menshikti tilshisi.
Jarysqa Qazaqstannyń atynan eki komanda, sondaı-aq Qyrǵyzstan, Belarýs jáne Tájikstan elshilikteriniń komandalary qatty.
Fýtbolshylar Brıýsseldegi «Foret de soignes»sport ortalyǵynyń alańynda birneshe oıyn ótkizdi. Tartysty ári dostyq sıpatta ótken jarystyń nátıjesinde «Qazaqstan-1» komandasy jeńiske jetti, ekinshi oryndy Qyrǵyzstan quramasy, úshinshi oryndy Belarýs quramasy ıelendi.
Týrnır sońynda komandalardy marapattaý rásimi ótti.
Osy shaǵyn fýtbol jarysyna qatysýshylar bos ýaqytynda Belgııada turaqty jattyǵýlardy jalǵastyrýǵa, sondaı-aq áýesqoı sportpen shuǵyldanǵysy keletinderdiń sheńberin keńeıte otyryp, ózara osyndaı týrnırler ótkizýge kelisti.
