Qazaqstannyń Belgııadaǵy elshiligi balalar merekesin uıymdastyrdy
SSELЬ. 6 maýsym. QazAqparat /Dımash Syzdyqov/ - Senbi, 4 maýsym kúni Belgııada Qazaqstan elshiliginiń uıytqy bolýymen merekelik shara ótti.
Qazaqstannan asyrap alynǵan balalar men olardyń belgııalyq ata-analary úshin uıymdastyrylǵan kezekti qabyldaýda alǵy sóz sóılegen elshi Erik Ótembaev, bul kezdesýdiń eki mańyzdy oqıǵaǵa - 1 maýsymda ótken Balalardy qorǵaýdyń halyqaralyq kúnine jáne Qazaqstan Táýelsizdiginiń 20 jyldyǵyna arnalyp otyrǵanyn atap kórsetti.
Balalarǵa jasap otyrǵan qamqorlyqtary men olardyń tarıhı otandary - Qazaqstanmen baılanystaryn qoldap otyrǵandary úshin ata-analarǵa alǵys bildirgen dıplomat, «Sizder Qazaqstannyń bir bólshegisizder jáne elshilik te Qazaqstannyń bir bólshegi. Meniń oıymsha, bundaı qarym-qatynastar jıi ótip turatyn bolady. Elshiliktiń esigi sizder úshin árqashan ashyq!», - dedi óz sózinde.
Elshi sondaı-aq, Qazaqstannan asyrap alynǵan balalar úshin elshiliktiń aıyna bir arnaıy sabaqtar ótkizýdi josparlap otyrǵanyn, onda balalarǵa qazaq tili sabaǵyn ótkizý, tarıhı Otandarymen tanystyrý, mýzykalyq jáne sporttyq sharalar ótkizý josparlanyp otyrǵanyn aıtty.
Elshilikte ótken qabyldaý barysynda Qazaqstanǵa arnalǵan balalar sýretteriniń konkýrsy ótti jáne qonaqtarǵa arnap merekelik dastarhan jaıyldy.
Belgııalyq azamattar Qazaqstannan balalar asyrap ala bastaǵanyna 12 jyldaı bolyp qaldy, búginde Belgııada ondaı balalardyń sany 480-nen asady.
