Qazaqstannyń BEK-ten tysqary syrtqa shyǵarylǵan eksporttyq ónim kólemi 13,5 paıyzǵa, al ımporty 38 paıyzǵa artty - N Nazarbaev
ASTANA. 3 qyrkúıek. QazAqparat - Qazaqstannyń Birtutas ekonomıkalyq keńistikten tysqary syrtqa shyǵarylǵan eksporttyq ónim kólemi 13,5 paıyzǵa, al ımporty 38 paıyzǵa artty.
Búgin 5-shi shaqyrylǵan Parlamenttiń ekinshi sessııasyn ashý barysynda sóz sóılegen Memleket basshysy Nursultan Nazarbaev osylaı málimdedi.
Sóz arasynda Qazaqstan, Belarýs jáne Reseı elderiniń birtutas ekonomıkalyq keńistik aıasynda birigý úrdisine toqtalǵan Elbasy, úshjaqty kelisimsharttardyń kúshine enýge senimmen qadam basqanyn aıtty. Eýrazııa ekonomıkalyq komıssııasynyń tabysty jumys istep kele jatqanyna da toqtaldy. «Komıssııanyń málimetterine júginsek, bıyl Qazaqstannyń Birtutas ekonomıkalyq keńistikten tysqary syrtqa shyǵarylǵan eksporttyq ónim kólemi 13,5 paıyzǵa, al ımporty 38 paıyzǵa artqan. BEK ishindegi ózara saýda-sattyq 13 paıyzdan artty. Qazaqstannyń Dúnıejúzilik saýda uıymyna qosylý jolyndaǵy kelissózderi de sórege jaqyndap keledi. Bul bizdiń ekonomıkamyzǵa kóptegen ózekti mindetter júkteıdi», - dedi Memleket basshysy.
Prezıdenttiń aıtýynsha, mundaı mindetter qatarynda zańnamalyq bazany jetildirý máselesi de bar.
