Qazaqstannyń bazalyq otyn resýrsy munaı balamasynda shamamen 35 mlrd. tonnany quraıdy

ASTANA. QazAqparat - Qazaqstannyń bazalyq otyn resýrsy munaı balamasynda shamamen 35 mlrd. tonnany quraıdy. Bul týraly búgin Halyqaralyq energetıkalyq agenttiktiń jarııalanymy men Shyǵys Eýropa, Kavkaz jáne Ortalyq Azııa elderiniń energıkalyq saıasatyn sholýǵa arnalǵan INOGATE baǵdarlamasynyń tusaýkeserine arnalǵan sharada QR Energetıka mınıstri Vladımır Shkolnık málim etti.

«Kún men jeldi qospaǵandaǵy óndiriletin bazalyq otyn resýrstary munaı, gaz, kómir, ýrannyń jıyntyq kólemi shamamen 35 mlrd. tonnany quraıdy», - dedi V.Shkolnık.

Mınıstrdiń aıtýynsha, bastapqy energııa resrýstarynyń aǵymdyq jyldyq óndiris kólemi ýran balamasynda 400 mln. tonnaǵa jetip otyr.

«Bul rette bizdiń memleketimizdiń ishki tutyný kólemi energetıkalyq balamada shamamen 60 mln. tonnany quraıdy», - dedi ol.