Qazaqstannyń batysy men soltústiginde aýa raıynyń qubylmaly sıpaty saqtalady - 7 mamyrdaǵy aýa raıy boljamy
ASTANA. 6 mamyr. QazAqparat - 7 mamyrda Qazaqstannyń batys jáne soltústik jaǵy atmosferalyq aǵyndardyń yqpalynda bolýy saldarynan aýa raıynyń qubylmaly sıpaty saqtalady, keı jerlerde jańbyr jaýyp, jel kúsheıedi, naızaǵaı oınap, shańdy daýyl kóterilýi kútiledi.
Respýblıkaynytsń qalǵan bóliginde kún ashyq bolady, dep habarlaıdy QR TJM baspasóz qyzmeti Qazgıdrometke silteme jasap.
Aqmola, Ońtústik Qazaqstan, Batys Qazaqstan, Aqtóbe, Qostanaı, kúndiz Jambyl, Qyzylorda, Mańǵystaý oblystarynda keı jerlerde jeldiń ekpini 15-20 m/s-ke jetedi.
Atyraý oblysynda keı jerlerde jel 15-20 m/s-ten 23 m/s-ke deıin uıtqyp, shańdy daýyl kóteriledi.
Soltústik Qazaqstan oblysynda keı jerlerde jeldiń ekpini 15-20 m/s-ke jetip, túnde jáne tańerteń keı jerlerde tuman túsedi.
Respýblıkanyń ońtústiginde, ońtústik-shyǵysynda, batysynda, ortalyǵynda, shyǵysynda keı jerlerde óte joǵary órt qaýpi kútiledi.
Taıaýdaǵy eki táýlikte respýblıkanyń ońtústigindegi, ońtústik-shyǵysyndaǵy jáne shyǵysyndaǵy ózenderinde sý deńgeıi qubylady. Atyraý oblysynyń sheginde Jaıyq ózeninde, Reseımen shekarada Esil ózeninde jáne Edildiń saǵasynda kóktemgi sý tasqynynyń óristeýi jalǵasady.
