Qazaqstannyń batysy men shyǵysynda jeldiń kúsheıýimen birge jańbyr ótýi múmkin - 14 sáýirge arnalǵan aýa raı boljamy
ASTANA. 13 sáýir. QazAqparat - Qazaqstannyń barlyq derlik aýmaǵy antıtsıklon yqpalynda bolady, onyń ótýimen 14 sáýir kúni jaýyn-shashynsyz aýa raıy kútiledi, dep habarlaıdy Qazgıdrometke silteme jasaǵan QR TJM-niń baspasóz qyzmeti.
Eldiń batysy men shyǵysynda atmosferalyq bólikterdiń ótýimen jáne batys aýdandarda jeldiń kúsheıýimen birge jańbyr jaýady dep kútilýde.
Mańǵystaý oblysynda, kúndiz Atyraý, Batys Qazaqstan oblystarynda jeldiń 15-20 m/s-ke deıin kúsheıýi yqtımal.
Soltústik Qazaqstan, Aqmola oblystarynda, túnde jáne tańerteń Qostanaı, Qaraǵandy oblystaryndaǵy jekelegen aýdandarda tuman túsedi.
Jaqyn táýlikterde Ertis, Buqtyrma ózenderinde muz erip, seń júrý jalǵasady, muz keptelisteriniń bolýy, sý deńgeıleriniń kóterilýi múmkin. Jaıyq, Úlken jáne Kishi Ózende (BQO aýmaǵynda), Esil (SQO aýmaǵynda) ózeninde tasqyndardyń kúsheıýi, sý deńgeıiniń kóterilýi kútiledi. «Jalpaqtal» gıdrobeketi mańynda Úlken Ózende sý deńgeıleriniń qaýipti belgilerden asýy, sý basýlar bolýy múmkin. Respýblıkanyń ońtústik, ońtústik-shyǵys jáne shyǵysyndaǵy ózenderinde sýlylyqtyń aýytqýlary baıqalady.
