Qazaqstannyń batysy men shyǵysynda 24 tamyzda burshaq jaýýy múmkin
TANA. 23 tamyz. QazAqparat - Qazaqstannyń kóptegen aımaqtarynda atmosferalyq fronttardyń ótýimen baılanysty keı jerlerde jańbyr, jekelegen aýdandarda nóser jańbyr jaýyp, naızaǵaı oınaıdy, jel kúsheıedi,
dep habarlaıdy "Kazgıdromet" RMK baspasóz qyzmeti.
Aqmola, Soltústik Qazaqstan, Pavlodar oblystarynda 17-23 m/s jel soǵady. Mańǵystaý, Atyraý, Batys Qazaqstan, Qostanaı, Aqtóbe, Qaraǵandy, Qyzylorda, Ońtústik Qazaqstan, kúndiz Almaty, Jambyl oblystarynyń keı jerlerinde ekpini 15-22 m/s jel soǵady, Qyzylorda oblysynda shańdy daýyl turady. Kúndiz Aqtóbe oblysynyń keı jerlerinde burshaq jaýyp, 15-20 m/s jel kúsheıedi. Shyǵys Qazaqstan oblysynda keı jerlerde jel soǵady, kúshi 17-22 m/s, kúndiz ekpini 28 m/s deıin jetedi, burshaq jaýýy yqtımal.
Almaty oblysynyń keı jerlerinde qatty ystyq bolady dep kútiledi.
Respýblıkanyń ońtústik-batysynda, ońtústiginde, ońtústik-shyǵysynyń keı jerlerinde óte joǵary órt qaýpi saqtalady.
