Qazaqstannyń batysy men ońtústiginde aptap ystyq bolady
ASTANA. QazAqparat - Qazaqstannyń batysy men ońtústiginde aýa temperatýrasy 40-43°S-qa deıin kóterilýi múmkin, dep habarlaıdy QazAqparat Qazgıdrometke silteme jasap.
Troposferalyq protsesterdiń qaıta jandanýy Sırııa jáne Irak aýmaǵynan kóterilgen ystyq aýa massalarynyń Qazaqstannyń batysy men ońtústigine kelýine jaǵdaı jasaıdy. Atalǵan óńirlerde aýa temperatýrasy 40-43 gradýsqa deıin kóterilýi múmkin ári jaýyn-shashyn bolmaıdy.
Respýblıkanyń shyǵys bóligine Sibirden salqyn ári ylǵaldy aýa aǵyny kele bastaıdy. Sondyqtan bul óńirlerde jyly aýa raıy saqtalady, kún kúrkirep, ótkinshi jańbyr jaýady, jel soǵady.
Aýa temperatýrasy kópjyldyq ortasha mánge jýyqtaıdy, biraq respýblıkanyń batys oblystarynda klımattyq normadan 3-7 gradýsqa joǵary bolady.
