Qazaqstannyń batys óńirlerine elektr energııasy Reseı arqyly Ekibastuzdan jetkizilmek
ASTANA. QazAqparat - Qazaqstan elimizdiń batys óńirlerine elektr energııasyn reseılik jeliler arqyly Ekibastuzdan jetkizedi. Bul týraly búgin QR Premer-Mınıstriniń birinshi orynbasary, ıntegratsııa máseleleri boıynsha Qazaqstannyń úılestirý keńesiniń tóraǵasy Baqytjan Saǵyntaev málim etti.
«Biz bul taqyrypta reseılik áriptestermen kelissózder júrgizdik. Bizdiń Ekibastuzdaǵy MAES-terde óndirilgen elektr energııalaryn Reseıdiń aýmaǵy arqyly elimizdiń batys óńirlerine jetkizýge bolar edi. Olar elektr qýatyn Reseıden satyp alýda», - dedi vıtse-premer. B.Saǵyntaevtyń sózine qaraǵanda, Ekibastuzda artylǵan elektr energııasy Reseıge 4,5 teńgeden satylady. Sonymen birge Batys Qazaqstan men Aqtóbe oblystarynyń keıbir aýdandary energııany r eseılik «Inter RAO EES» AAQ kompanııasynan 12-14 teńgeden satyp alady.
«Bul turǵydaǵy alshaqtyq úlken. Sondyqtan da bizdiń elektr energııamyzdy ótkizý jaıynda aıttyq. Ózimizdiń halqymyz úshin olardyń aýmaǵy arqyly energııany jetkizemiz», - dedi ol.
