Qazaqstannyń basym oblystarynda oqýshylar 100 paıyz oqýlyqpen qamtylǵan - A.Sárinjipov
ASTANA. QazAqparat - Aǵymdaǵy jyly mektepke qajetti jańa oqýlyqtar satyp alýǵa 8,3 mlrd. teńge bólindi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Aslan Sárinjipov málim etti.
«Kitaphana qorlaryndaǵy oqýlyqtardan bólek jańa kitaptar satyp alý úshin jergilikti bıýdjetterden 8,3 mlrd. teńge bólindi. Buǵan qosa, elimizdiń basym oblystarynda oqýlyqpen qamtý kórsetkishi 100 paıyzǵa jetip otyr», - dedi ol.
Onyń sózine qaraǵanda, jańa oqý jylynda elimizdiń barlyq oblystaryndaǵy mektepter oqýlyqtarmen qamtamasyz etiletin bolaldy.
«Ońtústik Qazaqstan oblysynyń jekelegen aýdandary mektepterdi oqýlyqpen qamtýdy kesheýildetýde. Aqmola oblysynda da máseleler kóterilgen bolatyn. Degenmen, biz bul máseleni kóterdik jáne oblys bizderge qajetti qarjynyń jergilikti bıýdjetten bólinetindigin aıtyp, sendirdi. Sondyqtan da aǵymdaǵy jyly oqýlyqqa qatysty barlyq máseleler sheshilýi tıis», - dedi mınıstr.
