Qazaqstannyń basym bóliginde jyldamdyǵy sekýndyna 15-22 metrge jetetin qatty jel kútilýde
nbsp;ASTANA. Qyrkúıektiń 11-i. QazAqparat - Búgin Qazaqstannyń basym bóliginiń aýa raıyna sýyq aýa aǵymy óz áserin tıgizedi, dep habarlady QR Tótenshe jaǵdaılar mınıstrligi Qazgıdrometke silteme jasap.
Mańǵystaý, Shyǵys Qazaqstan, al kúndiz Aqmola, Almaty, Jambyl, Ońtústik Qazaqstan, Qyzylorda, Aqtóbe, Qostanaı, Soltústik Qazaqstan oblystarynyń keı jerlerinde jyldamdyǵy sekýndyna 15-22 metrge jetetin qatty jel soǵady dep kútilýde.
Aqmola, Qostanaı, Soltústik Qazaqstan, Pavlodar jáne Qaraǵandy oblystarynyń keı jerlerinde túnde 0-5 gradýsqa deıin kún sýytady.
Qazaqstannyń ońtústiginde, batysynda, ortalyǵynda, shyǵysynda jáne ońtústik-shyǵysynda joǵary dárejeli órt qaýpi saqtalady.
