Qazaqstannyń basym bóliginde jel kúsheıip, jaýyn-shashyn túsedi
ASTANA.QazAqparat - Qazaqstannyń soltústik-shyǵys baǵytyna qaraı belsendi atmosferalyq aǵymdar men Kaspıı tsıklony jyljyp keledi, dep habarlaıdy «Qazgıdromet».
Seısenbide Qazaqstannyń ortalyǵy men ońtústik oblystarynyń keı jerlerinde jańbyr jaýady. Naızaǵaı oınap, jel soǵyp, burshaq jaýýy yqtımal. Sondaı-aq, respýblıkanyń ortalyq jáne shyǵys oblystarynda jaýyn-shashyn túsedi.
Eldiń soltústigi men batysy Sibir antıtsıklonynyń yqpalynda bolady. Bul óńirlerde jańbyr jaýyp, naızaǵaı oınap, qar túsedi. Sonymen qatar, aýa temperatýrasy tómendeıdi.
Birneshe óńirde eskertý jarııalanǵan. 24-shi sáýirde táýlik boıy Qostanaı oblysynda jeldiń jyldamdyǵy 15-20 m/s-ǵa jetedi, keı jerlerinde naızaǵaı oınap, tuman kútiledi.
24-25 sáýirde Jambyl oblysynda ońtústik-batystan jel soǵady, keı jerlerde 15-20, 24 sáýir kúndiz, 25 sáýirde túnde ekpini 23-28 m/s bolady, 25 sáýirde túnde taýly aýdandarda qatty jańbyr jaýady.
Taraz qalasynda 24-25 sáýirde ońtústik-batystan jel soǵady, ekpini 15-20, 24 sáýir kúni kúndiz, 25 sáýirde túnde keı ýaqytta 23-28 m/s-ǵa jetedi dep kútiledi.
24 sáýirde Qyzylorda oblysynyń keı jerlerinde nóser jaýyn jaýady, sondaı-aq 24-25 sáýirde soltústik, soltústik-batystan 15-20, ekpini 23 m/s jyldamdyqpen jel soǵady, naızaǵaı oınap, tuman túsedi dep kútiledi.
