Qazaqstannyń basym bóliginde jel kúsheıip, shańdy daýyl turady
ASTANA. QazAqparat - Búgin atmosferalyq fronttardyń ótýine baılanysty Qazaqstannyń aýmaǵynda qubylmaly aýa raıy saqtalady. Keı jerlerde jańbyr jaýyp, naızaǵaı oınaıdy; jel kúsheıip, daýyl bolyp, burshaq jaýýy múmkin; ońtústikte shańdy daýyl kútiledi.
Bul týraly QR ІІM TJK baspasóz qyzmeti habarlaıdy.
Ońtústik Qazaqstan oblysynyń túnde keı jerlerinde shańdy daýyl soǵyp, burshaq jaýýy múmkin, tańerteń jáne kúndiz jeldiń jyldamdyǵy 15-20 m/s-ǵa deıin kúsheıedi.
Soltústik Qazaqstan oblysynyń keı jerlerinde jeldiń jyldamdyǵy 15-20 m/s-ǵa deıin jetedi; daýyl, tuman bolyp, burshaq jaýýy múmkin; túnde jáne tańerteń tuman kútiledi.
Qostanaı oblysynyń keı jerlerinde tuman bolyp, jeldiń jyldamdyǵy 15-20 m/s-ǵa deıin kúsheıedi, burshaq jaýýy yqtımal.
Aqmola oblysynyń keı jerlerinde jeldiń jyldamdyǵy 15-20 m/s-ǵa jetedi, túnde jáne tańerteń keı jerlerinde tuman, kúndiz daýyl bolyp, burshaq jaýýy múmkin.
Jambyl oblysynyń keı jerlerinde daýyl soǵyp, jeldiń jyldamdyǵy 15-20 m/s-ǵa deıin kúsheıip, burshaq jaýýy múmkin.
Qyzylorda oblysynda kúndiz jel soǵyp, shańdy daýyl turady. Jeldiń jyldamdyǵy 15-20 m/s-ǵa deıin kúsheıedi.
Almaty oblysynyń, kúndiz Qaraǵandy oblysynyń keı jerlerinde jel 15-20 m/s-ǵa deıin kúsheıedi.
Pavlodar oblysynda naızaǵaı oınap, jeldiń jyldamdyǵy 15-20 m/s-ǵa deıin kúsheıedi.
Atyraý, Mańǵystaý, Qyzylorda oblystarynda, Ońtústik Qazaqstan, Jambyl oblystarynyń keı jerlerinde óte joǵary órt qaýpi saqtalady.
