Qazaqstannyń basym bóliginde jel kúsheıip, keı óńirde burqasyn bolady
ASTANA. QazAqparat - Búgin Qazaqstannyń basym aýmaǵynda qubylmaly aýa raıy saqtalady. Keı jerlerde qar jaýyp, jaýyn-shashyn túsedi. Tek shyǵysta jáne ońtústik-shyǵysta qar jaýmaıdy, aýa raıy jaýyn-shashynsyz bolady. Respýblıkanyń keı jerlerinde tuman, kóktaıǵaq bolyp, jel kúsheıedi.
Bul týraly «Qazgıdromet» RMK habarlaıdy.
Shyǵys Qazaqstan, Soltústik Qazaqstan, Aqmola, Qostanaı oblystarynyń keı jerlerinde tuman, burqasyn kútilip, jeldiń jyldamdyǵy 15-20 m/s-ǵa deıin kúsheıedi.
Qaraǵandy oblysynda keı jerlerde jeldiń jyldamdyǵy 18 m/s-ǵa deıin jetip, kúndiz burqasyn bolady.
Qyzylorda, Túrkistan oblystarynyń keı jerlerinde tuman bolyp, tańerteń jáne kúndiz jeldiń jyldamdyǵy 15-23 m/s-ǵa deıin kúsheıedi, Qyzylorda oblysynda joldarda kóktaıǵaq bolady.
Almaty oblysynyń keı jerlerinde tuman túsedi.
Jalańashkól aýdanynda jeldiń kúshi 15-20, ekpini 23-28 m/s-ǵa jetedi.
Jambyl, Mańǵystaý oblystarynyń keı jerlerinde tuman túsedi, Jambyl oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Atyraý, Aqtóbe oblystarynyń keı jerlerinde kóktaıǵaq bolady, kúndiz keı jerlerinde jeldiń jyldamdyǵy 15-20 m/s-ǵa deıin kúsheıedi.
Aqtóbe oblysynyń keı jerlerinde burqasyn kútiledi.
Pavlodar oblysynda, túnde Batys Qazaqstan oblysynyń keı jerlerinde tuman kútiledi. Pavlodar oblysynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
