Qazaqstannyń basym bóliginde jeksenbi kúni tuman túsip, kóktaıǵaq bolady
ASTANA. QazAqparat - Qazaqstannyń basym bóliginde jeksenbi kúni keı jerlerde tuman túsedi, kóktaıǵaq bolady, jel kúsheıedi. Respýblıkanyń ońtústiginde, ońtústik-shyǵysynda jáne ońtústik-batysynda kún raıy ashyq bolady, dep habarlady «Qazgıdromet» RMK.
Aqmola, Soltústik Qazaqstan, Qaraǵandy, Shyǵys Qazaqstan oblystarynda keı jerlerde tuman túsedi, kóktaıǵaq bolady, jeldiń kúshi 15-20 m/s.
Batys Qazaqstan oblysynda keı jerlerde tuman túsip, kóktaıǵaq bolýy, kúndiz jeldiń 15-20 m/s-qa deıin kúsheıýi kútiledi.
Pavlodar oblysynda keı jerlerde jel 15-20 m/s-qa deıin kúsheıedi.
Atyraý, Aqtóbe, Qostanaı oblystarynda keı jerlerde tuman túsedi, kóktaıǵaq bolady.
Almaty, Jambyl, Ońtústik Qazaqstan, Qyzylorda, Mańǵystaý oblystarynda keı jerlerde tuman túsedi.
