Qazaqstannyń basym bóliginde jaıly meteojaǵdaı ornaıdy
ASTANA. QazAqparat - Seısenbi, 19 maýsym kúni Qazaqstannyń kóptegen qalalaryndaǵy meteojaǵdaı jaıly bolady, dep habarlaıdy QazAqparat «Qazgıdromet» RMK-na silteme jasap.
Aqtaý, Aqtóbe, Almaty, Astana, Atyraý, Qaraǵandy, Qostanaı, Qyzylorda, Kókshetaý, Pavlodar, Petropavl, Taraz, Oral, Óskemen, Shymkent qalalarynda meteorologııalyq jaǵdaı jaıly bolady.
Almaty qalasynyń atmosferasynda lastaýshy zattar seıile túsedi.
Taldyqorǵan qalasynda jáne túnde Astanada meteorologııalyq jaǵdaı, kerisinshe, jaısyz, ıaǵnı aýada lastaýshy zattar kóbeıedi.
QMJ - atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqamerzimdi meteorologııalyq faktorlardyń (tymyq, jeńil jel, tuman, ınversııa) úılesimi.
QMJ jaǵdaıynda eldi mekenderdegi atmosferalyq aýanyń sapasy nasharlaýy múmkin.
