Qazaqstannyń basym bóliginde jaýyn-shashynsyz salqyn aýa raıy saqtalady

Bul aqparatty elimizdiń Tótenshe jaǵdaılar mınıstrliginiń baspasóz qyzmeti Qazgıdromet málimetterine silteme jasap habarlaıdy.

Vedomstvonyń habaralýynsha, elimizdiń shetkeri batys aýdandarynda kúndiz jańbyr jaýyp, jel kúsheımek. Al ońtústik-shyǵys aýdandarynda atmosferalyq aǵymdar áseri saqtalady.

Batys Qazaqstan, Mańǵystaý, Atyraý, kúndiz Qyzylorda, sonymen qatar Ońtústik Qazaqstan oblysynyń taýly aımaqtarynyń keı jerlerinde jeldiń jyldamdyǵy sekýndyna 15-23 metrge jetedi dep kútilýde. Al Jambyl oblysynda tuman túsip, jeldiń jyldamdyǵy sekýndyna 15-20 metrge jetetindigi boljanýda.

Qazaqstannyń ońtústiginde, keı jerlerde joǵary órt qaýpi saqtalady.