Qazaqstannyń basym bóliginde jaýyn-shashynsyz aýa raıy kútiledi
ASTANA. 28 jeltoqsan. QazAqparat - «Qazgıdromet» RMK málimeti boıynsha, 29 jeltoqsan kúni Qazaqstannyń basym bóliginde aýa raıy antıtsıklonǵa baılanysty bolmaq, jaýyn shashyn bolmaıdy dep kútilýde. Keı jerlerde jel kúsheıip, boran soǵyp, kóktaıǵaq bolyp, tuman túsýi yqtımal.
Aqmola oblysynda keı jerde boran soǵyp, tuman túsedi. Jeldiń ekpini sekýndyna 15-20 metrge deıin jetedi. Almaty oblysynda keı jerlerde tuman bolyp, Jalańashkól aýdanynda jeldiń ekpini sekýndyna 15-20 metrge deıin jetedi.
Jambyl, Ońtústik Qazaqstan, Batys Qazaqstan, Aqtóbe men túnde Qaraǵandy oblysynda keı jerlerde tuman túsedi. Qyzylorda, Atyraý oblystarynda tuman túsip, kóktaıǵaq bolady degen boljam jasalyp otyr.
Mańǵystaý oblysynda da keı jerlerde tuman túsip, soqqan jel ekpini seýndyna 15-20 metrge deıin kúsheıedi. Qostanaı oblysynda túnde jáne tańerteń birqatar aımaqtarda tuman túsedi, jekelegen aýdandarda jeldiń jyldamdyǵy 18 m/s-qa jetýi yqtımal, qarly boran soǵady.
Pavlodar oblysynda qarly boran soǵyp, 15-20 m/s jyldamdyqpen jel kúsheıedi. Shyǵys Qazaqstan oblysynda túnde jáne tańerteń keı jerler tumandanyp, shalǵaı aýdandarda jel sekýndyna 15-20 metrge deıin jetedi. Soltústik Qazaqstan oblysynda keı jerlerde tuman túsip, kóktaıǵaq bolady. Borandy jel ekpini sekýndyna 15-20 metrge deıin jetedi.
Aldaǵy eki kúnde Qazaqstannyń sý nysandarynda muz qatý úderisi jalǵasady.
