Qazaqstannyń basym bóliginde jaýyn-shashyndy, tuman túsedi, kóktaıǵaq bolady, jaıaý borasyn kóteriledi - 23 jeltoqsandaǵy aýa raıy boljamy
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen baılanysty aýa raıynyń turaqsyz sıpaty saqtalady, keı jerlerde jaýyn-shashyn bolyp, tuman túsedi, kóktaıǵaq bolady, soltústikte, soltústik-batysta jaıaý borasyn kóteriledi, respýblıkanyń shyǵysynda, ortalyǵynda jáne ońtústik-shyǵysynda ǵana aýa raıy ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Soltústik Qazaqstan, Qostanaı oblystarynda keı jerlerde jeldiń kúshi 15-20 m/s-qa jetip, burqasyndatady, tuman túsedi, kóktaıǵaq bolady. Aqtóbe oblysynda keı jerlerde tuman túsedi, kóktaıǵaq bolady, jeldiń kúshi 15-20 m/s, kúndiz burqasyn kóteriledi. Aqmola, Mańǵystaý oblystarynda keı jerlerde jel 15-20 m/s-qa deıin kúsheıip, tuman túsedi, kóktaıǵaq bolady. Batys Qazaqstan oblysynda keı jerlerde tuman túsedi, kóktaıǵaq bolady, kúndiz jel 15-20 m/s-qa deıin kúsheıedi. Atyraý, Qyzylorda oblystarynda keı jerlerde tuman túsedi, kóktaıǵaq bolady. Jambyl, Ońtústik Qazaqstan, Qaraǵandy, Shyǵys Qazaqstan, kúndiz Pavlodar oblystarynda keı jerlerde tuman túsedi. Almaty oblysyndaǵy Jalańashkól aýdanynda jeldiń ekpini 20-25 m/s-qa deıin jetedi, túnde keı jerlerde tuman túsedi.
Taıaýdaǵy táýlikterde ońtústiktegi, ońtústik-shyǵystaǵy keı ózenderde kúnniń jylynýymen baılanysty muz qatýynyń álsireýi baıqalady; qar astynda muz qatýynyń áserinen sý deńgeıi kóterilýi múmkin. Shyǵys Qazaqstan oblysynyń keıbir ózenderinde muz qatýynyń saldarynan sý deńgeıi qubylýy múmkin. Qazaqstannyń batys, soltústik jáne ortalyq oblystaryndaǵy sý nysandarynda qysqy rejım saqtalady.
