Qazaqstannyń basym bóliginde jaýyn-shashyndy, tuman túsedi, kóktaıǵaq bolady, burqasyn kóteriledi - 24 jeltoqsandaǵy aýa raıy boljamy
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen baılanysty aýa raıynyń turaqsyz sıpaty saqtalady, keı jerlerde jaýyn-shashyn bolyp, tuman túsedi, kóktaıǵaq bolady, burqasyn kóteriledi, respýblıkanyń shyǵysynda jáne ońtústik-shyǵysynda ǵana aýa raıy ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Almaty oblysyndaǵy Jalańashkól aýdanynda jeldiń ekpini 23-28 m/s-qa deıin jetedi, túnde keı jerlerde tuman túsedi. Soltústik Qazaqstan, Qostanaı, Aqtóbe, Atyraý oblystarynda keı jerlerde jeldiń kúshi 15-20 m/s-qa jetip, burqasyndatady, tuman túsedi, kóktaıǵaq bolady. Mańǵystaý, Batys Qazaqstan, Qyzylorda oblystarynda keı jerlerde jeldiń kúshi 15-20 m/s, tuman túsedi, kóktaıǵaq bolady. Jambyl, Ońtústik Qazaqstan oblystarynda keı jerlerde tuman túsedi, kúndiz jel 15-20 m/s-qa deıin kúsheıedi. Qaraǵandy oblysynda keı jerlerde tuman túsedi, kóktaıǵaq bolady. Shyǵys Qazaqstan, Pavlodar oblystarynda keı jerlerde tuman túsedi. Aqmola oblysynda keı jerlerde tuman túsedi, kóktaıǵaq bolady, jeldiń ekpini 15-20 m/s-qa deıin kúsheıedi.
Taıaýdaǵy táýlikterde ońtústiktegi, ońtústik-shyǵystaǵy keı ózenderde kúnniń jylynýymen baılanysty muz qatýynyń álsireýi baıqalady; qar astynda muz qatýynyń áserinen sý deńgeıi kóterilýi múmkin. Shyǵys Qazaqstan oblysynyń keıbir ózenderinde muz qatýynyń saldarynan sý deńgeıi qubylýy múmkin. Qazaqstannyń batys, soltústik jáne ortalyq oblystaryndaǵy sý nysandarynda qysqy rejım saqtalady.
