Qazaqstannyń basym bóliginde jańbyr jaýyp, jel kúsheıedi
ASTANA. QazAqparat - Atmosferalyq aýa aǵyndardyń ótýine baılanysty Qazaqstannyń basym bóliginde jaýyn-shashyn jaýady, tek ońtústik, ońtústik-shyǵysta jaýyn-shashynsyz aýa raıy kútiledi, dep habarlaıdy Qazgıdromet.
Keı jerlerinde jeldiń kúsheıýi, tuman, kóktaıǵaq bolady. Soltústik-Qazaqstan oblysynda jeldiń kúsheıýi 15-20 m/s, ekpini 23-28, keı jerlerinde tuman, kóktaıǵaq boljanýda.
Qostanaı, Aqtóbe oblystarynyń keı jerlerinde jel 15-20 m/s soǵady, tuman, kóktaıǵaq kútiledi.
Aqmola, Shyǵys Qazaqstan, Qaraǵandy oblystarynyń keı jerlerinde jel 15-20 m/s kúsheıdi, túnde jóne tańerten tuman bolady.
Pavlodar, Mańǵystaý, Qyzylorda oblystarynyń keı jerlerinde kúndiz jel 15-20 m/s, Pavlodar, Mańǵystaý oblystarynyń keı jerlerinde tuman bolady.
Atyraý, Jambyl, Ońtústik Qazaqstan, Batys Qazaqstan oblystarynyń keı jerlerinde de qatty jel soǵady dep boljanýda.
