Qazaqstannyń basym bóliginde jańbyr jaýyp, kún kúrkireýi, jel kúsheıýi kútiledi - 19 shildedegi aýa raıy boljamy
ASTANA. QazAqparat - Qazaqstannyń basym bóliginde tsıklonnnyń áserinen jańbyr jaýýy, kún kúrkirep, jel kúsheıýi, soltústikte tuman túsýi múmkin. Ońtústikte jáne ońtústik-shyǵysta jáne shyǵysta ǵana kún raıy ashyq bolady, dep habarlady QR TJM baspasóz qyzmeti Qazgıdrometke silteme jasap.
Mańǵystaý, Batys Qazaqstan, Qostanaı, Pavlodar, Qaraǵandy oblystarynda, kúndiz Qyzylorda oblysynda keı jerlerde jeldiń 15-20 m/s-qa deıin kúsheıýi kútiledi. Soltústik Qazaqstan oblysynda túnde jáne kúndiz keı jerlerde tuman túsedi. Aqmola oblysynda keı jerlerde jeldiń ekpini 15-20 m/s-qa deıin kúsheıedi, tuman túsedi. Kúndiz Qaraǵandy oblysynda keı jerlerde aptap ystyq bolady.
Respýblıkanyń ońtústiginde, ońtústik-shyǵysynda, batysynyń keı jerlerinde, soltústik-batysynda jáne ortalyǵynda óte joǵary órt qaýpi saqtalady.
Taıaýdaǵy úsh táýlikte aýa raıynyń joǵarylaýy jaǵdaıynda Almaty oblysyndaǵy ózenderde taýdan aqqan sýdyń áserinen ózender deńgeıi kóteriledi. Іle ózeninde Qapshaǵaı sý qoımasyna aǵyn tómendeıdi. Respýblıkanyń ońtústigi men shyǵysyndaǵy taý ózenderinde sý betiniń qubylýy baıqalady.
