Qazaqstannyń basym bóliginde turaqsyz aýa raıy saqtalady - 2 jeltoqsandaǵy aýa raıy boljamy
ASTANA. QazAqparat - Qazaqstannyń basym bóliginde atmosferalyq aǵyndardyń ótýimen turaqsyz aýa raıy saqtalady, munda keı jerlerde jaýyn-shashyn bolyp, jel kúsheıedi, burqasyn kóterilip, tuman túsedi, kóktaıǵaq bolady, respýblıkanyń shyǵys jaǵynda ǵana kún raıy ashyq bolady, dep habarlady QR ІІM Tótenshe jaǵdaılar komıteti «Qazgıdrometke» silteme jasap.
Aqmola oblysynda keı jerlerde jeldiń kúshi 15-20 m/s-qa jetedi, jaıaý borasyn júredi, túnde jáne kúndiz tuman túsedi. Soltústik Qazaqstan oblysynda - keı jerlerde tuman túsedi. Jambyl, túnde jáne tańerteń Qostanaı, Ońtústik Qazaqstan oblystarynda keı jerlerde tuman túsedi, kúndiz keı jerlerde jel 15-20 m/s-qa deıin kúsheıedi, Qostanaı oblysynda burqasyndy bolady. Mańǵystaý, kúndiz Atyraý, Aqtóbe oblystarynda keı jerlerde jel 17-22 m/s-qa deıin kúsheıedi, burqasyn kóteriledi, Mańǵystaý oblystynda kóktaıǵaq bolady. Almaty oblysynda túnde keı jerlerde tuman túsedi, kúndiz Alakól kólderi tusynda jel 18-23 m/s-qa deıin kúsheıedi. Shyǵys Qazaqstan oblysynda kúndiz jeldiń ekpini 15-20 m/s-qa jetedi.
