Qazaqstannyń basym bóliginde turaqsyz aýa raıy kútilýde - 5 maýsymǵa arnalǵan aýa raıy boljamy
ASTANA. 4 maýsym. QazAqparat - Qazaqstannyń basym bóliginde 5 maýsymda atmosferalyq aǵyndar yqpaly saqtalady, turaqsyz aýa raıy kútilýde, keı jerlerde naızaǵaı jarqyldap, ótkinshi jańbyr jaýady, jel kúsheıedi, jekelegen aýdandarda shań kóterilip, daýyl turady, ońtústik-shyǵysta burshaq jaýýy múmkin.
Bul týraly Kazgıdrometke silteme jasap, TJM baspasóz qyzmeti habarlaıdy.
Almaty, Jambyl, Ońtústik Qazaqstan, Aqtóbe, Qostanaı oblystarynda 15-20 m/s deıin jel kúsheıýi kútilýde.
Qyzylorda oblysynda, kúndiz Batys Qazaqstan oblysynda keı jerlerde jel kúsheıedi, shań kóterilip, keı jerlerde daýyl turady.
Mańǵystaý oblysynda keı jerlerde tuman túsedi dep kútilýde, 15-20 m/s jel kúsheıedi.
Respýblıkanyń batysynda, ońtústiginde jáne ortalyǵynda keı jerlerde tótenshe joǵary órt qaýpi saqtalady.
Jaqyn kúnderde respýblıkanyń ońtústiginiń jáne ońtústik-shyǵysynyń kóptegen taýly ózenderinde sý deńgeıiniń turaqsyzdanýy baıqalady; ShQO-daǵy Batys Altaıdyń jekelegen ózenderinde sý shyǵynynyń ulǵaıýy kútilýde. Qazaqstannyń jazyqty aýmaǵynyń ózenderinde gıdrologııalyq tártipte aıtarlyqtaı ózgeris kútilmeıdi.
