Qazaqstannyń basym bóliginde taıaý úsh táýlikte jaýyn-shashyn saqtalady
ASTANA. QazAqparat - 23-25 maýsymda Qazaqstannyń basym bóliginde jaýyn-shashyn saqtalady, dep habarlady «Qazgıdromet» RMK.
«Barentsev jáne Karskıı teńizinen aýa tolqynynyń toqtaýsyz aǵyny Qazaqstannyń barlyq aýmaǵynda jaýyn-shashynmen salqyn aýa raıynyń saqtalýyna yqpal etýde. Aldaǵy úsh táýlikte aýa temperatýrasy respýblıka oblystarynyń basym bóliginde ortasha kóp jylǵy mánnen tómen bolady dep kútilýde. Ońtústik-shyǵys pen shyǵysta senbide temperatýra kóteriledi jáne norma sheginde jáne normadan joǵary bolady», - delingen habarlamada.
